स्व. भाऊसाहेब फुंडकर कृषी मित्रपरीवार व स्व.डॅा.का.शा.तिडके प्रतिष्ठानकडुन उत्कृष्ट बैल सजावट स्पर्धेत दिली अकरा बैलजोडींना रोख बक्षीसे मनोज भगतग्रामिण प्रतिनीधी तेल्हाराहिवरखेड (ता. तेल्हारा) शहरात सालाबाद प्रमाणे शेतकरी वर्ग आपल्याला शेतीस मदत करणाऱ्या बैल राजाचा पोळा सण मनोभावे साजरा करतो. अगोदरचे दिवशी खांदापुजन करुन पोळ्याचे दिवशीचे जेवणाचे आमंत्रण देतो. पोळ्याचे दिवशी बैलांना रंग, झुला इत्यादी आभुषणांनी सजवुन भोलेनाथाच्या दर्शनाला शंकर संस्थान येथे वाजत गाजत आणन्यात आले. अशा या बैल पोळ्यात सालाबाद प्रमाणे देवळीवेस शंकर संस्थानला पोळ्याचा मान माजी आमदार स्वर्गीय डॅा.का.शा.तिडके परिवारातील डॅा.रामदादा तिडके व नंदुकाका तिडके, कृष्णादादा तिडके, कैलासदादा , बंजरगभाऊ, उमेश गुरुजी सर, सूनील तिडके यांना असून तिडके वाड्यातुन गूढी ऊमेश तिडके यांचे खाद्यावर घेऊन सजविलेल्या बैलांची वाजत गाजत आली. तेथे मंदीरात व महादेवाचे पिंडीला पुरोहितामार्फत डॅा. रामदादा तिडके व कृष्णादादा तिडके यांचे हस्ते अभिषेक व नंतर महाआरती झाली. या दरम्यान महादेवाची भजने शेतकर्‍यांकडून मनोभावे गायल्या गेली. यावर्षीच्या पोळा सणाला सततधार पाऊस सूरुच होता. पोळा भरतो की नाही असे वाटत होते, परंतु भोलेनाथाचे कृपेने पाच वाजता पाऊस थांबला. शेतकर्‍यानी सजवलेले बैल पोळ्यात आणली. या सणानिमीत्त स्व. भाऊसाहेब फुंडकर कृषी मित्रपरीवार व माजी आमदार स्व.डॅा.का.शा.तिडके प्रतिष्ठानकडुन उत्कृष्ट बैल सजावट स्पर्धेचे आयोजन करण्यात आले. सदर बक्षीस वितरण भागवताचार्य संतोष महाराज टिकार व ASI महादेव नेवारे यांचे व कृष्णादादा तिडके, सूधाकर डालके,ऊमेश तिडके, बाळासाहेब नेरकर इत्यादी मान्यवरांच्या हस्ते प्रत्येक बैलजोडी मालकांना नारळ टोपी देउन सन्मानित करण्यात आले. यामधे 5001 रुपये स्व भाऊसाहेब फुंडकर यांचे स्मृतीप्रित्यर्थ भाऊसाहेब फुंडकर कृषीमित्र परीवार तर्फे ओम अस्वार व अशोक अस्वार यांच्या भोलेनाथ पार्वती व भोलेनाथाची कावड बैलजोडीवर देखावा या जोडीला तर दूसरे बक्षीस माजी आमदार स्व.डॅा. का.शा. तिडके प्रतिष्ठान कडून 2001 रुपयाचे बक्षीस मंगेश रामकृष्णा ताळे यांचे बैलांना तर तिसरे बक्षीस 1501 रु राठी कृषी सेवा केंद्र यांचे कडून वसंता राऊत याचे बैलाला, चवथे बक्षीस वृषाली सेवा केंद्र बबलू टोहरे कडुन 1101 रुपये यांचे कडुन देवीदास नाठे यांचे बैलाना,पाचवे बक्षीस नागवेली कृषी सेवा केंद्र कडून रु 701 विजय येनकर यांचे जोडीला, सहावे बक्षीस रुची कृषी सेवा केंद्र 701 रुपयाचे रमेश नाठे यांचे जोडीला तसेच प्रोत्साहनपर सातवे बक्षीस माऊली कृषी सेवा केंद्र कडून 500रु गजानन भाकरे यांचे बैलाना, आठवे बक्षीस लक्ष्मी अॅग्रो मार्ट राजु काळे कडुन रवि दातकर यांना 500रु, नववे कृष्णा अॅग्रो एजंसीजचे डिगाबंर ढगे कडुन तसेच जय भोले हार्डवेअर कडून 500रु प्रकाश ढबाले यांना, प्रोत्साहनपर अमुल दुध संकलन केंद्रकडुन रु 501 चे गोपाल घूंगड यांचे टावर वरील सर्जाराजा जोडीला व अबांदास वनकर यांच्या नंदीबैलाला प्रमानपत्र व श्रीफळ देऊन बैलमालकांना सन्मानित करण्यात आले. यावेळी बैलजोडी परीक्षक सर्वश्री अनिल कराळे, गजानन मानकर, गोपाल घुंगड मंदीर ट्रस्टी बंजरग तिडके, गजानन भटकर,घुंगळ सर, सुधाकर परनाटे,जयेश बोहरा, आनंद बोहरा , सुधा डालके यांनी संपुर्ण बैलपोळ्यातील उत्कृष्ट बैलजोडींची निवड केली. बक्षीस वितरणानंतर पिंडीला घाट लावून पोळा फुटल्याचे जाहीर करण्यात आले.ठाणेदार श्री पांडव व त्यांचे सहकारी बीट जमादार श्री नेवारे गृहरक्षक दल यांनी चोख बंदोबस्त ठेवला होता.